BENVIDA DO PRESIDENTE

Dámosche a benvida á nosa Asociación, na cal esperemos que encontres actividades que sexan do teu gusto e agrado, xa que contamos con distintas Escolas Deportivas como: Fútbol Sala, Baloncesto, Patinaxe Artístico, Xadrez, Karate,...etc.etc. e tamén Culturais.

Os nenos-as poden participar na Escola que queiran, sempre que llo permita a súa idade, e os adultos, as que se oferten para eles.

A Xunta Directiva e Delegacións: actual Xunta Directiva quedou ratificada por outro periodo de catro anos (2016-2020).

Presidente: José Manuel Blanco Gonzalez
Vicepresidente: Miguel Angel Fra Fra.
Tesoureiro: Ovidio Rouco Otero
Secretario: Francisco M. López Fernández
Vocales: Inés Díaz Campo, Dolores Yáñez Nuñez, Jesús Maragoto Polo, José Antonio Fernández Vázquez, Noelia López Montero, Óscar Mejuto Pardo e José Ángel García González.

Un total de 11 Directivos, que se repartirán as suas funcions nas distintas Escolas Deportivas e Culturais da ACD.XOVE. Para a presente tempada 2019-2020 a ACD.XOVE, ofertará 11 Escolas Deportivas:

Futbol Sala (Pre-benxamin, Benxamin, Alevin e Infantil).
Baloncesto (categorias dende Peques a Cadetes)
Patinaxe Artistica (de 5 a 16 anos)
Karate (de 5 a 16 anos)
ATLETISMO/DUATLÓN-Duatlón-Orientación(categorias de Pre-Benxamin a Cadete)
Badminton (categorias Pre-Benxamin a Cadete)
Xadrez (categorias de Pre-Benxamin a Cadete)
Tenis de Mesa: (categorias de Benxamin a Cadete)
Xogos Pre-Deportivos( nenos-as de 3 e 4 anos)
Aeróbic(maiores de 12 anos e Adultos)
FIT-DANCE/PILATES (maiores de 12 anos e Adultos)

Tamén se ofertarán duas Escolas Culturais:

Teatro (de 8 a 16 anos)
Pintura (a partir de 8 anos e Adultos)

Asimesmo a ACD.XOVE conta con outras actividades como son:

Sendeirismo: Grupo de Sendeirismo, con descontos para os socios, e gratuito para os nenos e rapaces menores de 18 anos. Con rutas por Galicia, Asturias e León.
Clase de Surf: Cursos de Iniciación ou Avanzado para nen@s durante os meses de Xullo e Agosto na Praia de Esteiro(Xuances)
Organizamos eventos deportivos como:Carreira Trail XCT (Xove Costa Trail), Día da Bicicleta, Carreira Popular...
Outras actividades: paralelamente as escolas deportivas como son: Excursións Lúdico-Recreativas (Parque Acuatico de Cerceda), ver partidos de Fútbol (Deportivo da Coruña), ver partidos da Fútbol Sala (Azkar Lugo), Baloncesto (Breogán-Lugo), Dia da Bicicleta, Carreira Popular, etc......

As queixas que teñades, suxerencias, ideas, etc., podedes dende o menú contacto desta páxina web, de forma persoal a calquera membro da Directiva, ou depositalas no Buzón da Asociación (no Pavillón Municipal)

Con respecto o material poñemos a venda distinto tipo de material como: chandals, parkas, mochilas, bolsos chuvasqueiros e sudadeiras. A primeira sudadeira e gratis para os alumnos-as participantes en actividades. Para o resto de material podedes consultar a calquera Directivo.

Esperando que todos disfrutemos co deporte, e vendo facer deporte os nosos fillos-as. Recibe un cordial saudo.

O Presidente.

José Manuel Blanco González

DECÁLOGO DE BOAS PRÁCTICAS NO DEPORTE

Estes son os principios que deben inspirar o comportamento no Deporte Base da Asociación e ás persoas que a compoñen...

Decálogo do deportista

O deporte educa persoas para a vida. Máis que un gran deportista, procura ser unha gran persoa.
O adestramento é fundamental para progresar. Ten continuidade e constancia
Respecta a norma, darache sentido e claridade no xogo.
Honra o contrario, non é un inimigo, é un compañeiro de xogo.
Fai amigos xogando ao teu deporte.
Os resultados pasan, pero os amigos perduran.Que predomine en ti o sentido de equipo, o seus intereses están por riba do lucimento persoal.
Que te coñezan máis polo teu comportamento, que polas vitorias que consigas. O xogo limpo dignifica, o suxo envilece.Ao finalizar os encontros, saúda aos contrarios e xuíces.
Que a honra e a nobreza sexan o teu estilo na práctica deportiva.Xoga só polo pracer de facelo non por satisfacer só o teu pai/nai ou adestrador. Lembra que o propósito do xogo é a diversión, mellorar as destrezas e sentirse ben. Xoga para o teu equipo.
O deporte é saúde. Practícao no teu beneficio, e no da sociedade.

Decálogo do Pai/Nai do deportista

Non obrigues ao teu fillo-a a practicar un deporte do que non guste. Lembra que os nenos-as xogan para a súa diversión, non para a túa.
Non lles esixas máis do que poden dar, nin os comparedes. Con iso só conseguiremos disminuír a súa autoestima.
Inculcade aos vosos fillos-as unha educación baseada no respecto aos principios éticos deportivos, faranos ser mellores persoas e mellores deportistas.Tratádeos respectuosamente, é manifestádelles o voso aprecio.
A vosa labor na competición pode ser animalos, pero non gritarlles, nin darlles ordesNon proxectedes neles as vosas aspiracións insatisfeitas.
Respectade o traballo do adestrador es as súas decisións.Nunca ridiculices o teu fillo-a por cometer erros, ou porque perda o partido.
Sede os primeiros en respectar as decisións arbitrais, para que os vosos fillos-as as respecten. Mostrádevos sempre correctos co voso porte, e no voso vocabularioLembra que o fin esencial do deporte é o de formar persoas.Que non te confundan as prácticas mal entendidas.

Decálogo do técnico

Valora o traballo e o esforzo de todos os teus deportistas. Felicita a quen lle saen as cousas ben, e anima o desafortunado.
Asume os teus propios erros e non fagas aos teus deportistas responsábeis dos mesmos.Que as túas actitudes e comportamentos sirvan de exemplo para os teus deportistas.
Non busques só o rendemento técnico-deportivo, esforzate por conseguir valores éticos.Loita por todos os teus deportistas por igual. Non teñas preferencias nin prexuízos.
Se humilde na vitoria e resignado na derrota.Sé o primeiro en coñecer e respectar as normas.A moderación é unha virtude. Aplícaa á práctica deportiva.
A periodicidade e duración dos adestramentos e dos partidos deberán de ser acordes coa idade dos deportistas.
Non lle pidas mais do que cada xogador pode dar, esixe só o mellor que teñan.

Decálogo do directivo

Contribúe ca túa imaxe a engrandecer o teu clube. Non permitas nunca que os teus éxitos xustifiquen a falta de principios ético-deportivos, que deberán estar por riba de todo.
A túa presenza e importante nos éxitos, pero moito mais cando non os hai.Antes de tomar decisións, escoita e valora. A túa persoa debe ser garantía de obxectividade.
Nunca achaques os fracasos do teu clube aos demais.Non utilices as influencias, envilecen a amizade, e degradan a imaxe do teu clube.
Nunca tentes gañar con presións e influencias o que se debe dirimir nunha cancha deportiva
Acepta as criticas ben intencionadas, pero nunca toleres as faltas de respecto.Preocúpate da capacitación dos adestradores/monitores, proporcionándolles toda a información que teñas ao teu alcance.
Respecta a autonomía dos teus técnicos.
Respecta aos xuíces, non os mediatices.
Distribúe un código de xogo limpo entre os teus adestradores, deportistas, socios, etc....

Decálogo do espectador

Que o cariño polo teu clube/equipo non te leve a comportamentos inadecuados.
O prezo da entrada non inclúe a baixeza de insultar. Apoia e anima, nunca descualifiques.O forofismo nega a racionalidade.
Non te ampares no anonimato da masa, compórtate con dignidade.Valora os méritos, sexan de quen sexan. Aplaude as boas accións aínda que sexan do rival deportivo.
Valora o esforzo e o traballo ao xulgares os feitos, nunca o éxito ou o fracaso.Apártate de quen incita ou reclama condutas violentas.-O coñecemento das normas de xogo, axudaranche a ser obxetivo.-
O rival deportivo non é un inimigo. Só cada persoa pode ser inimiga de si mesma.Condena o uso da violencia en todas as súas formas. Critica con educación os comportamentos racistas e xenófobos.
Quen só vai ver gañar, corre o risco de ver perder.

Decálogo do árbitro

Garantiza que as túas accións e comportamentos dentro e fóra da cancha sexan coherentes cos principios dun bo deportista. A autoridade non se impón, merécese.
Conserva a calma nos momentos difíciles, o apaixonamento converte o erro en falta, e a verdade en descortesía.Coñécete ben e enriquece os teus coñecementos, iso axudarache a ser xusto e ecuánime. Toma as decisións dende a obxetividade e a honradez.
Que os sentimentos non anulen a túa imparcialidade.E tan difícil ser xusto, que a prudencia aconsella a ser indulxente.
Non fales con crueza a ninguén.
Todos se merecen o teu respecto.
Respecta ao deportista, pero non participes nos seus erros.
Que a túa independencia non te faga tan frío, que non comprendas as situacions humanas.
O teu mellor recoñecemento é pasar desapercibido, se non é así, asume a critica, é parte do teu traballo.